這個鬼故事可能好多澳門人都知...唔知你又聽過未呢?
澳門大三巴牌坊，我諗好多未來過澳門的朋友都聽過，今次講的就係關於佢的故事。
話說，以前中國人好多都唔係好鐘意西方的文化，一向視天主教，基督教為異教，佢地有時都會聯群結隊去教堂搗亂，甚至殺死傳教士...
大三巴就係當時一個經常被搗亂的教堂之一，D傳教士為求自保，就掘左好多防空洞，秘道咁...
好耐之前已經有個傳聞，有條秘道因方向錯誤的關係，可以通到去一間大三巴後面的屋內的。
果個間屋係太平之後就有一家人買左，佢地一家四口，開頭住落都冇乜野，後來祖母經常聽到孫仔係度唔知同邊個講野，佢就走左去問個孫仔，點知，孫仔就帶左呀祖母入房，爬左入床下面，之後走出黎話
"伯伯返左入去了!"
祖母攪到莫明其妙，以為孫仔因為得自己一個小朋友係屋企太悶，所以自己同自己玩，就開始叫佢的外孫女回來陪孫仔玩。
點知，都係發覺佢兩個細路好鐘意係房唔出廳，佢就走入房睇下，兩個細路見到祖母就立即上前，叫 "祖母""婆婆"。
祖母就問，點解你地只係房玩，唔出廳玩呀，孫仔答話，伯伯講的故仔好得意呀。
外孫女立即答話係，仲想轉身要求"伯伯"繼續講，點知已經唔見左"伯伯"，孫仔就話，伯伯又返左入去了。
祖母覺得好奇怪，等到個仔同個新抱返到屋企，就佢地將件事講出黎，俾孫仔聽到，孫仔立即拖著爸爸話去見"伯伯"。
孫仔一入到房，就爬入床低，爸爸見況，立即推開床，見到孫仔在地上開了一個四方的小通道，而且孫仔已經爬了進去，父親見立即上前，聽到孫兒不停叫：
"伯伯，伯伯，我帶了爸爸來見你呢。"
孫仔越走越遠，父親立即上前抱起兒子，但已經走了太遠，忘了回去的路，他父子倆在秘道內走呀走，突然孫兒跳下。。。
"我見到伯伯，伯伯。"
父親追上前，見到一個身穿教士服裝，面上帶著微笑的外籍老人，但他不是站著，好像是浮在地面上的擺，父親再追上前抱起兒子，老人已經不見了，但在他身旁發現了一副白骨，父親怕了，拼命地走，結果不知怎的，在大三巴腳一梯間轉了出來。
之後他們一 家搬走了，警方再到調查，搬走白骨，同父親講，白骨可能係以前躲入防空洞的神父，因為年紀太老了，又有食物食水，結果在防空洞內死了! 但係後來有人(包括我)，專程去找防空洞也找不到... 個故仔我都係聽返黎的，信不信由你。
查看全部回復
我也來說兩句