好羡慕人睇到D離奇怪異D野，呢次都唔知算唔算系撞到「鬼」。在報館印影房工作已有兩年，輪班捱夜一星期起碼有三天。
當時快到十二點，我亦系時候收工。放工第一件事系搭亡命小巴，由12路唔使十分鐘就直達18路。朋友成日講笑「咁樣搭小巴，命終率好高！」幸好又系有驚無險，平安抵步。
跟住又要趕搭「泥蜢的」，坐「泥蜢的」同樣好睇彩數，邊架的士，同咩人一齊坐，唔到Last Minute都唔知，不過唔理呀！
一個箭步就開車門，坐在車頭，大件頭的我非常迫。唔覺唔覺，的士大佬果然用慣常極度純熟的煉車手勢飛越過兩條公路。大部分乘客早就冇眼睇，倒頭大睡，唯獨我一直聽著的士車廂電台播緊咩鬼故熱線，原來又到盂蘭節，氣氛無形分外陰沉。
終於入了環原範圍，乘客相繼一個一個落車。剩低的士大佬跟我，只要前頭駛多一條小巷我就到步。突然司機急煞Brake，眼前早已衝出一架綠色的士，司機大佬不停向住「綠的」打高燈，打了四次，就停了。「綠的」亦唔見左。
我驚魂未定，的士大佬轉頭問「見到咩呀？」我當然咩都見唔到。他話剛才有「衰野」，仲系「綠的」，在面後排坐位裡，打算打死車內司機。」聽完後，我半信半疑，覺得莫名其妙?.
[]
查看全部回復
我也來說兩句