隱形媽媽

Ronald去了澳洲讀書都有四年，他在柏斯的一間大學讀二年級。每年12月尾都會返來過暑假，順便過埋年先再返澳洲升學。

上星期我地一班老友行出來聚舊講開家事時，Ronald話今次返來，覺得個妹有D唔妥。Ronald個妹叫阿芬，今年先得10歲，比Ronald細好多。

我地同阿芬都幾熟，佢一向畀我地的感覺系好男仔頭，吱吱喳喳咁，成日郁手郁腳，都算系個性格活潑的女仔。

但據Ronald所講，阿芬而家變得沉默寡言，行路好似吊靴鬼，仲成日靜靜咁企系屋企人後面，將全家人嚇得半死。每日無所事事的阿芬，唔系在屋企走來走去，就系傻傻咁坐系梳化度，搞到Ronald同佢爸爸不知所措。於是我地呢班老友決定飯後去Ronald屋企探嚇阿芬。

門一打開，就聽到阿芬大聲喊的聲音，屋裡漆黑一片，燈冇著。如果Ronald爸爸要返夜班，屋裡只剩阿芬一人，就好似在夜晚咁。

Ronald立即走到阿芬間房睇睇，見到佢坐在台上，手指向窗口邊同Ronald講：「媽媽走■！媽媽唔好走呀！返來呀！」

做得Ronald老友，個個都知道佢媽媽在五年病死。所以大家都心裡有數，知道阿芬撞邪。我地都唔知點樣可以幫到Ronald，唯有留低陪住佢兩兄妹，直到佢爸爸返來再作打算。

第二日，Ronald爸爸帶佢兩兄妹去拜祭一下媽媽。但阿芬向住佢媽媽個墓，講了些嚇親佢兩父子的說話。佢話：「媽媽，你又話帶埋我走？我等左你好耐，點解你要自己走左去？」

後來Ronald同我地講返。其實佢媽媽一直在屋企陪住阿芬已有四年，系由Ronald第一年去澳洲開始。阿芬最近的怪異行為，系因為佢媽媽早前已暗示阿芬佢要離開而令到阿芬唔開心。